دار مبارك

المطعم المكان جميل وجلساته متنوعه يوجد جلسات داخليه وخارجيه … الخدمه ممتازه وسريعه .. الاكل مرا لذيذ لازم تجربو الحلومي بالباذنجان لذيييذ البيض التركي مرا عجبني والكبده بالحمص خياااال ولا فيها زفره البلاليط لذيذ بس كان ودي يكون السكر زياده 😄 الكرك ممتاز 👍🏻 لنا زياره مرا ثانيه نجرب العدا والعشا

بشكل عام ممتاز.. السميكة حلوة الصراحه .. والسمك ممتاز ولاتوجد فيه زنخة .. شوربة البحري الكريمة ماعليها حليوة .. بشكل عام مو خسارة فيه ..

مره حلو اكل ومكان وتعامل والجلسات الخارجية فنانه😍👍🏼الفطور مره رايق وحلو بس السعر شوي لو ينزلون من او يزيدون الكميه بيطلع برفكتو😥الفلافل دمااار الشكشوكه فنانه المعصوب ولا غلطه كل شي لذيذ العصير البرتغال روعه الكرك لابئس فيه مدى الملاءمة للأطفال: جدآ جميل الأطفال مناظر وطبيعه مريحه للبصر اخذت معاي للمطعم بناتي عمر سنتين وتسعة شهور 💜

الــمكان جميل جداً جداً جداً .. جيته الصباح وفطور لذيذ والله العظيم لذيذ جداً ( اخذت مقلقل لحم غنم طااازج - والله والله اقيمها 10000/100000 - واخذت شكشوكة جبن واخذت فلافل وبيض مخفوق ) كل شيييي جميل والأجمل الخدمة والتعامل من الموظفين وخااااااصة الاستاذ ( ولــيد ) تعامل ولباقة ومظهر وجمال رووح عظيمة .. شكراً شكراً ولي تجربة باذن الله متكررة ..

بكل صدق تبي تاكل اكل البيت عليك بمطعم دار مبارك قمة الروعة في الموقع والسعر والذوق تعشيت اجمل عشاء بحري ذقته في الشرقية والمكان روعة واستقبال اروع وخصوصاً السيد / حلمي الي في قسم العوائل اشكره من القلب على حسن الاستقبال والبشاشة وبعد العشى احلى جلسة خارجية وثنين استكانة شاي تقعد الراس اشكر المطعم ادارة وعاملين من القلب شي رائع 👏

دار مبارك للمأكولات البحرية والخليجية المكان رائع جداً .. كل شي فيه جميل الديكور .. الجلسات .. التعامل .. الطاقم .. لذاذة الاكل .. الاسعار يعني فعلا ماشاءالله ولا غلطة .. اهنيهم على التميز 👏🏻👏🏻 اعجبني انهم حاطين مغسلة جانبية في مدخل المطعم مجهزه بالصابون والمعقم والكلينكس 👌🏻👏🏻 وياليت في كل المطاعم تتوفر هالميزة👌🏻 جيتهم الصباح .. جلسنا في الجلسات الخارجية فوق مره حبيتها كان الفطور حمسة حلوم بالباذنجان لذيذة جداً ١٠من ١٠ شكشوكة ممتازة ١٠ من ١٠ كبدة جيدة ٨ من ١٠ الخبز جونااااان 😍 يجي مع الطلب صحن سلطة 👌🏻 الكرك ممتاز طبعا بعد ماخلصنا اكل طلبت منهم اخذه سفري وكان الموظفين بشوشين ومتقبلين لاي طلب من الزبون اضافوا لنا خبز زيادة + سلطة وسخنوا الكرك وقدموه لي في اكواب سفري 👏🏻👏🏻♥️ يعني صدق فخامة على دلع على حسن ضيافة

المطعم رايق واكلهم لذيذ 😋 ، اول تجربه لي ،، واكثر شي عجبني القباقب المقلي يجنننن متبل تتبيله خطيره 👍 واخذنا روبيان مقلي 🤤 ومكبوس روبيان كأنه مشخول برضو حلو وكمان طلبنا شوربه توم يم حلوه مرا بس قوامها مره خفيف زي الماي لكن حلوه ، واشكر الاخ وليد على خدمته 💫

مطعم بحري لذيذ وتوجد أنواع مختلفة من الطعام غير المأكولات البحرية ،يوجد دور أرضي وعلوي ،ويوجد مصعد ،جلسات مفتوحة ومغلقة ،لاتوجد موسيقى،بالتوفيق لكم.

المطعم جميل واستقبالهم مميز .. الأكل لذيذ و أطباقهم رائعة وتقدم ساخنة .. كانت تجربة جميلة وبإذن الله تكرر في قادم الايام .. انصح الجميع بالتجربة …

ماشاء الله اكيد راح اعيد التجربه ومطعم راقي وتعامل حلو ولطيف خصوصاً الاخ وليد

من اجمل المطاعم اللي زرتها خدمة ممتازة وتعامل راقي اشكر إدارة المطعم على حسن الأستقبال الأستاذ وليد والشيف جمال عالمنيو الفخم وموظف الاستقبال الأخ عبدالله الدوسري عندهم منيو متنوع مابين البحري والدجاج في قمة اللذاذه من الاخر أنصحكم تجربونه 🏽😍